బెజవాడ ఓపెన్ టెన్నిస్‌ టోర్నమెంట్‌లో పాల్వంచ క్రీడాకారుల ప్రతిభ
60+ వయో విభాగంలో అన్నం వెంకటేశ్వర్లు సారథ్యంలోని జట్టు విజేతగా నిలవగా, 40+ విభాగంలో భాస్కర్ రావు, కబీర్దాస్‌ల జట్టు రన్నర్‌అప్‌గా నిలిచింది. అదే విధంగా 30+ విభాగంలో సతీష్, కృష్ణల జట్టు రన్నర్స్‌గా నిలిచి పతకాలు సాధించారు.
ఈ సందర్భంగా టోర్నమెంట్‌ నిర్వాహకుడు ఐఆర్టీఎస్ అధికారి రాజేంద్రప్రసాద్ మాట్లాడుతూ తమ అకాడమీ ఆధ్వర్యంలో తొలిసారిగా నిర్వహించిన ఈ టోర్నమెంట్‌కు ఇరు రాష్ట్రాల నుంచి టెన్నిస్‌ అభిమానులు పెద్ద సంఖ్యలో పాల్గొనడం హర్షకరం అన్నారు. ముఖ్యంగా పాల్వంచ నుంచి ప్రతిభావంతులైన క్రీడాకారులు పాల్గొనడం ఎంతో ఆనందంగా ఉందన్నారు.
భద్రాద్రి కొత్తగూడెం జిల్లా ఒలింపిక్‌ అసోసియేషన్ అధ్యక్షుడు డాక్టర్‌ యుగంధర్‌రెడ్డి మాట్లాడుతూ ఈ విజయం తమ ప్రాంతానికి గర్వకారణమని తెలిపారు. అసోసియేషన్ తరఫున జూనియర్స్‌ విభాగంలో 15 నుంచి 20 మంది వరకు క్రీడాకారులు ఉన్నారని, వారిని కూడా ప్రోత్సహించి ముందుకు తీసుకెళ్లే బాధ్యతను ఈ విజయం మరింతగా గుర్తు చేస్తుందని పేర్కొన్నారు.
Post a Comment