రాష్ట్రస్థాయి ఫోటోగ్రఫీ, షార్ట్ ఫిల్మ్ పోటీలకు ఆహ్వానం - ఎస్పీ

జె.హెచ్.9. మీడియా, భద్రాద్రికొత్తగూడెం:పోలీస్ అమరవీరుల సంస్మరణ దినోత్సవం  (ఫ్లాగ్ డే)ను పురస్కరించుకొని  తెలంగాణ రాష్ట్ర పోలీస్ శాఖ ఆధ్వర్యంలో రాష్ట్ర స్థాయిలో ఫోటోగ్రఫీ, షార్ట్ ఫిల్మ్ పోటీలను నిర్వహిస్తున్నట్లు జిల్లా ఎస్పీ రోహిత్ రాజు ఐపిఎస్ గురువారం ఒక ప్రకటనలో తెలిపారు.పోలీస్ ఫ్లాగ్ డే సందర్భంగా పోలీస్ అమరవీరుల ప్రాణత్యాగాలను స్మరించుకుంటూ ఈనెల 21న సంస్మరణ కార్యక్రమాలు నిర్వహించబడుతాయని,ఈ పోటీలకు విద్యార్థులతో పాటు,యువ ఔత్సాహిక ఫోటోగ్రాఫర్లు పాల్గొనాలని కోరారు.ఇందులో భాగంగా పోలీసుల త్యాగాలు,పోలీసు విధుల్లో ప్రతిభను తెలిపే విధంగా ఉండే ఇటీవల కాలంలో తీసిన 3 ఫోటోలు,  3 నిమిషాల గల షార్ట్ ఫిలిమ్స్ తీసి రాష్ట్రస్థాయి పోటీల కోసం ఈనెల 20వ తేదీలోపు జిల్లా పోలీస్ కార్యాలయంలో సంబంధిత షార్ట్ ఫిల్మ్ లోడ్ చేసిన పెన్ డ్రైవ్, 10 x 8 సైజ్ ఫోటోలను పోలీస్  పిఆర్వోకు అందజేయాలన్నారు.

ఈ పోటీలకు నామినేషన్లు పంపించే ఔత్సహికులు..

మూఢనమ్మకాలు, ఇతర సామాజిక రుగ్మతలు, అత్యవసర సమయాల్లో పోలీసుల స్పందన.  ప్రకృతి వైపరిత్యాల్లో పోలీసుల సేవ, ఇతర సందర్భాల్లో పోలీసుల కీర్తి ప్రతిష్టలు.

సైబర్ నేరాలు ఈవ్టీజింగ్,ర్యాగింగ్  వాటి అనర్థాలు  అంశాలకు సంబంధించి గత సంవత్సరం 2023 అక్టోబర్ నుండి ప్రస్తుత సంవత్సరం అక్టోబర్ నెల ఇప్పటివరకు తీసిన మూడు ఫోటోలు, షార్ట్ ఫిల్మ్ మాత్రమే పంపించాల్సి ఉంటుంది అని అన్నారు.

ఈనెల 20వ తారీఖు లోపు జిల్లా పోలీసు ప్రధాన కార్యాలయంలోని PRO సెక్షన్ నందు ఇవ్వాల్సి ఉంటుందని, మరిన్ని వివరాల కోసం 8712682121 నెంబర్ ద్వారా పీఆర్ఓను సంప్రదించాలని ఈ సందర్భంగా ఆయన కోరారు.