నంబర్ ప్లేట్లు లేకుండా వాహనాలను నడుపుతూ పట్టుబడితే చర్యలు తప్పవు - ట్రాఫిక్ ఎస్సై నరేష్

జె.హెచ్.9. మీడియా, భద్రాద్రికొత్తగూడెం :జాతీయ రోడ్డు భద్రతా మాసోత్సవాలలో భాగంగా, జిల్లా ఎస్పీ రోహిత్ రాజు ఐపీఎస్ ఆదేశాల మేరకు కొత్తగూడెం డీఎస్పీ రెహమాన్ సూచనలతో కొత్తగూడెం ట్రాఫిక్ పోలీసులు మంగళవారం నంబర్ ప్లేట్లు లేకుండా తిరిగే వాహనాలపై ప్రత్యేక డ్రైవ్ నిర్వహించారు. కొత్తగూడెం పట్టణంలోని ప్రధాన కూడళ్ల వద్ద నంబర్ ప్లేట్లు లేకుండా తిరిగే వాహనాలను ఆపి వారికి కౌన్సిలింగ్ కార్యక్రమం నిర్వహించారు.

ఈ సందర్భంగా కొత్తగూడెం ట్రాఫిక్ ఎస్సై నరేష్ మాట్లాడుతూ సుమారు 40 నంబర్ ప్లేట్లు లేని వాహనాలను ఆపి వారికి కౌన్సిలింగ్ నిర్వహించి జరిమానా విధించామని తెలిపారు. రోడ్డు ప్రమాదాలను నివారించడమే లక్ష్యంగా పోలీసులు చేపట్టే కార్యక్రమాలకు పట్టణ ప్రజలందరూ సహకరించాలని విజ్ఞప్తి చేశారు. 

చైన్ స్నాచింగ్, దొంగతనాలకు పాల్పడే నేరస్తులు ఎక్కువగా నంబర్ ప్లేట్లు లేని వాహనాలను వినియోగిస్తున్నారని, ఆ నేరాలను అదుపు చేయడం కోసం నంబర్ ప్లేట్లు లేని వాహనాలపై ప్రత్యేక డ్రైవ్ నిర్వహిస్తున్నామని ఆయన స్పష్టం చేశారు.

ఈ స్పెషల్ డ్రైవ్‌లో ట్రాఫిక్ ఎస్సైలు నరేష్, మదార్, ట్రాఫిక్ సిబ్బంది పాల్గొన్నారు.